Mən 1975-ci ildə anadan olmuşam. 1982-ci ildə orta məktəbə getmiş və 1992-ci ildə orta məktəbi bitirmişəm. Elə həmin il ali məktəbə Azərbaycan Texniki Universitetinə daxil olmuşam. Daxil olduğum fakültə "Avtomatika və Hesablama Texnikası", ixtisasım isə "İstehsalın və texnoloji proseslərin avtomatlaşdırılması" idi. Universitetdə təhsil aldığım illərdə fərdi kompüter və ingilis dili kurslarını bitirmişəm.

    Universiteti 1997-ci ildə fərqlənmə diplomu ilə bitirmişəm. Universiteti bitirdikdən sonra mən özümə münasib bir iş axtarmağa başladım və onu "Baku Coca-Cola Bottlers Ltd" şirkətində tapdım. Bu mənim ilk iş yerim idi. Mən burada ilk iş təcrübəmi qazandım. Birinci iş yerim mənim üçün böyük əhəmiyyət daşıyır. Çünki mən burada iş təcrübəsi toplamaqla yanaşı həm də bir neçə dost qazandım ki, bu gün də həmin dostlarımla birlikdəyəm.

    Mən "Baku Coca-Cola Bottlers Ltd" şirkətində mühəndis kimi 1998-ci ilin mart ayından dekabr ayına qədər işlədim. 1998-ci ilin dekabr ayında mən qərara gəldim ki, kompüter və ingilis dili biliklərimdən yararlanmaq üçün özümə daha yaxşı iş axtarım. Belə bir işi mən təsadüfən qəzetdə verilmiş elan vasitəsilə tapdım. Tapdığım iş mobil telefonların idxalını və satışını həyata keçirən bir telekommunikasiya şirkətində idi. Telekommunikasiya şirkəti -  Cen Telecom (Cen Şirkətlər qrupu) çox tanınmış Ericsson (sonradan SonyEricsson) GSM mobil telefonlarının rəsmi distribütoru idi. Bir müddət sonra Cen Telecom Philips, Sagem, Maxon mobil telefonlarının rəsmi distibütoru oldu. Mən bu şirkətin Texniki Servis mərkəzində texniki işçi kimi işləməyə başladım. Sonradan 1999-cu ilin mart ayında məni Texniki Servis mərkəzinin meneceri vəzifəsinə təyin etdilər.

    2002-ci ildən etibarən Cen Şirkətlər Qrupu Kabel Televiziyası ilə bağlı yeni layihə üzərində işlərə başladı. Digər texniki işçilərlə birlikdə mən də bu layihəyə cəlb olundum və onun üzərində işləməyə başladım. 2007-ci ilə qədər  mən Cen Şirkətlər Qrupunda Texniki İşlər üzrə müdir müavini vəzifəsində işlədim.

    2007-ci ilin oktyabr ayından isə uzun müddət işlədiyim şirkətdən ayrılmalı oldum. Sonradan iş fəaliyyətimi Vartsila Azərbaycan MMC şirkətində davam etdirmək qərarına gəldim. Şirkətin ixtisas artırma kurslarında iştirak etdikdən sonra vəzifəmin icrasına başladım. Hal-hazırda Vartsila Azərbaycan MMC şirkətində "elektronika üzrə servis mühəndis" vəzifəsində işləyirəm.

    Universitet illərində və qrup yoldaşlarımla çəkilmiş fotoşəkillər.

Koka Kola və Cen Şirkətlər Qrupunda iş fəaliyyətim zamanı çəkilmiş fotoşəkillər.

Vartsila Azərbaycan MMC-də iş fəaliyyətim zamanı çəkilmiş fotoşəkillər.

    Boş vaxtlarımda mən futbol oynayıram. Mən peşəkar futbolçu deyiləm, amma bu oyunu oynamaqdan çox xoşum gəlir. Hər zaman mən futbol oynayanda bundan həzz alıram. Burada futbola aid bəzi bəzi fotoşəkillərimi yerləşdirmişəm.